Tashqi ishlar sahifasiga xush kelibsiz

(Kasbiy) Ta'lim uchun viza

Maqola

Ariza topshirish uchun quyidagi hujjatlar talab qilinadi:

  • Imzolangan, oylik va ish vaqti haqidagi ma´lumotlar ko´rsatilgan aniq kasbiy ta'lim shartnomasi
  • Ish beruvchi tomonidan imzolangan aniq kasbiy ta´lim rejasi
  • Kasbiy ta'lim shartnomasini imzolagan shaxsning passport nusxasi
  • Nemis tili bo’yicha B1 bilim darajasini tasdiqlovchi hujjat
  • Agar til bilimi borgandan keyin o´rganilsa: ta´lim boshlanishdan oldin ta`limga tayyorlov yoki  professional faoliyat bilan bog'liq bo`lgan til kursi mavjudligi haqida tasdiqnoma
  • O‘zbekistondagi akademik natijalarini tasdiqlovchi hujjatlar, shahodatmona, diplomlar baholari ko´rsatilgan ilovalari bilan
  • Agar tegishli bo´lsa: kasb bo'yicha tegishli ish tajribasi va malaka oshirilganligi haqida tasdiqnoma, hozirgi ish beruvchidan ma´lumotnoma
  • Akademik ta´lim va ish faoliytingizni aks ettiruvchi jadval shaklidagi tarjimai xol nemis tilidagi tasdiqlangan tarjimasi bilan
  • Arizachi tomonidan yozilgan va shaxsan imzolangan, rejalashtirilgan kasbiy ta`lim haqida ma´lumotni aks ettiruvchi motivatsiya xati va uning nemis tilidagi tasdiqlangan tarjimasi

Moliyalashtirish: agar kasb-hunarga o'qitish davrida mehnatga to'lanadigan haq ta'lim shartnomasiga muvofiq oyiga 939 yevrodan kam bo´lsa, mablag’dagi farq birinchi ta´lim yili uchun muqobil moliyalashtirish shaklida tasdiqlanishi lozim.

Moliyalashtirish quyidagicha tasdiqlanishi mumkin:

  • Germaniya hududida bo‘lish to‘g‘risidagi qonunning (Aufenthaltsgesetz) 66-68 moddalari asosida ta’limni moliyalashtirish uchun berilgan,  kafilning moliyaviy xolati yetarli deb ko’rsatilgan hamda berilgan sanasi olti oydan oshmagan kafolat xati (Verpflichtungserklärung)

yoki

  • oyiga faqat yetmagan miqdordagi  mablag’ni olish mumkin bo’lgan, Germaniya banklaridan birida ochilgan bloklangan xisob raqamida farqlanuvchi summa borligi haqida tasdiqnoma

yoki

  • kasbiy ta´lim shartnomasiga bog’liq bo’lmagan, haftasiga 10 soatgacha ishlash huquqini beruvchi mehnat shartnomasi

Ba'zi holatlarda qo´shimcha hujjatlar talab qilinishi mumkin.

Arizangiz bo´yicha ijobiy qaror qabul qilinganda viza berilishidan oldin tibbiy sug’urta taqdim qilishingiz lozim.

Hujjatlar to`liq taqdim qilinishiga e´tibor bering. To’liq bo’lmagan hujjatlar viza arizasini ko´rib chiqish jarayonini sekinlashtiradi va rad javobiga lib kelishi mumkin.

Nemis tili bo'yicha bilim darajasini tasdiqlash

Germaniyaga kirishdan avval bloklangan hisob raqamini ochish





Sahifa boshiga qaytish