Willkommen auf den Seiten des Auswärtigen Amts

Shengen vizasi

Schengen Visum

Schengen Visum, © colourbox

13.07.2018 - Maqola

Agar Siz yarim yil mobaynida 90 kungacha muddatga Shengen shartnomasiga a’zo davlatlar hududida bo‘lishni rejalashtirayotgan bo‘lsangiz, Shengen vizasi uchun ariza topshirishingiz kerak. Avstriya, Belgiya, Vengriya, Germaniya, Gretsiya, Daniya, Islandiya, Ispaniya, Italiya, Latviya, Litva, Lyuksemburg, Malta, Niderlandiya, Norvegiya, Polsha, Portugaliya, Slovakiya, Sloveniya, Finlandiya, Fransiya, Chexiya, Shveysariya, Shvetsiya vа Estoniya Shengen shartnomasiga a’zo davlatlar sanaladi.

Qonunga muofiq yashash joyingiz O´zbekistonda bo‘lsa (Fuqaroligingizning ahamiyati yo‘q) Germaniya Federativ Respublikasining O‘zbekistondagi elchixonasi Sizning viza so‘rovnomangiz uchun mas´ul hisoblanadi. O‘zbekiston Respublikasi fuqarosi bo‘lmasangiz viza arizangizga amaldagi O‘zbekistonda yashash uchun ruxsatnomangiz nusxasini ilova qilishingizni so‘raymiz.

Germaniya elchixonasi Shengen shartnomasiga a’zo davlatlar bilan hamkorlik doirasida  Avstriya, Finlandiya, Shvetsiya va Ispaniya davlatlariga vakillik qiladi. (Elchixona tomonidan ushbu mamakatlar uchun milliy viza berilmaydi!) Ya´ni asosiy safar manzilingiz (yoki safar bir qancha Shengen davlatlari hududi bo‘ylab bo‘lgani sababli uni aniqlash imkoni bo´lmasa, Shengen hududini kesib o‘tishdagi birinchi davlatning chegarasi) Germaniya, Avstriya, Finlandiya, Shvetsiya yoki Ispaniya davlati bo‘lsa, Siz Shengen vizasi uchun arizani Germaniya Federativ Respublikasining O‘zbekistondagi elchixonasiga topshirishingiz mumkin.

E‘tibor bering: Shengen vizasi uchun arizani rejalashtirilgan safar kunidan ko‘pi bilan 3 oy avval topshirish mumkin.

Shengen vizasi uchun so‘rovnomalarni ko‘rib chiqish muddati odatda 1 haftani tashkil etadi; ya´ni viza so’rovnomasi dushanba kuni topshirilsa javobni kelasi dushanbada kutish lozim.

Agar vizadagi to‘liq bo‘lmagan yoki noto‘g‘ri ma´lumotlar sababli safarga chiqish muddati cho‘zilsa, buning uchun elchixona javobgar bo‘lmaydi. Shuning uchun barcha arizachilar viza qo‘yilgan pasportni qo‘llariga olganlarida vizadagi ma´lumotlarni tekshirishlari lozim.

Shengen davlarlari chegara idoralari amal qilish muddatiga ega vizasi bo‘lsa ham chet el fuqarosini davlat hududiga kiritmasliklari mumkin. Shuning uchun Siz chegara tekshiruvi vaqtida safardan maqsad va safar harajatlarini moliyalash manbalarini tasdiqlay olishingiz kerak (masalan taklifnomani taqdim etish orqali).

Diqqat! Shengen vizasini olish maqsadida hujjat topshrish uchun yangi jarayon!
 

ESLATMA: viza so´rovnomasini topshirish uchun qabulga yozilishingiz kerak bo´ladi. Qabulga yozolishbu yerda amalga oshiriladi

 

Bu yerda Siz Shengen vizasining barcha turlariga tegishli eslatmalarimizni hamda viza so´rovnomasini yuklab olishingiz mumkin