Tashqi ishlar sahifasiga xush kelibsiz

Xorijda egallangan kasbiy malakani tan olinishi uchun viza (16d AufenthG)

Maqola

Oliy ma’lumotga ega bo'lgan va reglamentlangan kasbda (masalan, sog'liqni saqlash sohasidagi kasblar, hamshiralik kasblari), ishlashni xohlaydigan, shuningdek, chet elda kasbiy ta’lim olgan shaxslar Germaniyada malakasining tan olinishi uchun ko’riladigan chora tadbirlar uchun viza olishi mumkin. Bular nazariy va amaliy choralar bo'lishi mumkin.

Buning uchun ariza topshirilgunga qadar tegishli malakani tan olish jarayoni amalga oshirilganligi va malakaning qisman tan olinganligi to'g'risidagi qaror mavjudligi ayniqsa muhimdir.

Malakaning tan olinishi haqida ko'proq ma'lumotni bu yerda topishingiz mumkin. Tan olish tartib-qoidalariga oid savollaringiz bilan bevosita mutaxassislarga murojaat qiling

Ariza topshirish uchun kerakli hujjatlar

  • Reglamentlangan kasb sohasida ishlash uchun ruxsatnomani olish maqsadida kasbiy ta’limning Germaniya kasbiy ta’limi me’zonlariga mutanosibligini aniqlashda tuzatish va solishtirish choralarini ko’rish lozimligi ko’rsatilgan Germaniyada mas'ul idoradan kasbiy malakani qisman tan olish to'g'risidagi yoki oraliq qaror. Reglamentlangan kasblarda faqatgina nazariy bilim imtihoni, til imtihoni yoki malakaviy imtihon talab qilinishi mumkin.
  • Agarda professional ta’limni qisman tan olish haqidagi qarorda nazarda tutilgan bo’lsa: nazariy kurslarga, tashkilot yoki korxona malakaviy tadbirlari uchun (malaka oshirish kurslari o'quv rejasi bilan) yoki imtihonga tayyorgarlik kurslaridan ro'yxatdan o'tganlik, nazariy bilimni aniqlash kurslariga va/yoki nazariy bilimni aniqlash uchun tayyorgarlik kursiga ro'yxatdan o'tganlik to'g'risida ma'lumot

Kasbiy malakani tasdiqlovchi hujjat

  • Germaniyada reglamentlangan kasbda ishlashni xohlaydigan oliy ma'lumotli kadrlar, xususan shifokorlar, o'qituvchilar, huquqshunoslar uchun universitetni tamomlaganligi to'g'risida diplomi baholar qayd qilingan ilovasi bilan
  • kasb-hunar ma'lumotli mutaxassislar uchun: shahodatnoma (diplom) egallangan kasb bo'yicha qo'yilgan baholar qayd qilingan ilovasi bilan
  • agar mavjud bo'lsa: muayyan ish tajribasi va malaka oshirish kurslar tugallaganligini tasdiqlovchi hujjat
  • Ta'lim va mutaxassislik bo'yicha ish tajribasi haqida ma'lumotlar ko'rsatilgan, jadval ko'rinishidagi tarjimai xol
  • Nemis tili bo'yicha bilim darajasi kamida A2, reglamentlangan kasblar bo'yicha ishlash uchun kamida B1 ekanligini tasdiqlovchi tan olingan hujjat.
  • Agar talab qilinadigan til ko'nikmalariga ega bo'lmasangiz, birinchi navbatda til kursiga viza olish uchun ariza topshirish tavsiya etiladi
  • Ba'zi hollarda til o'rganish moslashuv tadbiri doirasida amalga oshirilishi mumkin. Agar til o'rganish moslashuv tadbiri doirasida amalga oshirilsa, til o'rganish va moslashuv tadbiri 24 oy ichida yakunlashiga imkoniyat yaratilishi ta'minlanishi kerak.
  • Umumiy yashash muddati uchun turar joy ta'minlanganligini tasdiqlovchi hujjat, masalan mehmonxona broni (avvaldan buyurtma) yoki ijara shartnomasi. Agar siz qarindoshlaringiz yoki tanishlaringiznikida yashaydigan bo'lsangiz, taklif qiluvchi shaxs tomonidan imzolangan taklifnoma hamda taklif qiluvchining pasporti nusxasi.
  • Oyiga 947 yevro miqdoridagi mablag' mavjudligini tasdiqlovchi hujjatlar. Bir yildan ortiq muddatga rejalashtirilgan safarlar uchun viza arizasini topshirish vaqtida faqat birinchi yil uchun moliyalashtirish manbai tasdiqlanishi lozim.

Tasdiqlash quyidagi hujjatlar orqali amalga oshirilishi mumkin:

  • Germaniya davlatida bo'lish to'g'risidagi qonunning (AufenthG) 66-68 § lariga muvofiq majburiyatni olish to'g‘'risidagi rasmiy bayonot (Verpflichtungserklärung), yetarlicha mablag’ mavjudligini tasdiqlovchi hujjat
  • Nemis banklaridan biridagi bloklangan hisob raqamida rejalashtirilgan yashash muddati yoki yashash muddatining birinchi yili uchun muayyan oylik maosh miqdorini qayd etish orqali mablag‘ mavjudligini tasdiqlovchi hujjat. Bloklangan hisob raqami haqida batafsil ma'lumot
  • Qo'shimcha tarzda kasbingizga taaluqli bo'lmagan ishda haftasiga 10 soatgacha ishlab o'zingizni moliyaviy jihatdan ta'minlashingiz mumkin. Mehnat shartnomasi yoki ish o'rniga taklif tasdiqlovchi hujjat sifatida taqdim etilishi mumkin.
  • Yakunda imtihon o'tkaziladigan mos saralash mashg'ulotida qatnashish uchun saralash mashg'ulotining turi va davomiyligi haqida ma'lumot kiritish orqali ro'yxatdan o'tganlikni tasdiqlovchi hujjatning asli hamda ikki nusxasi

Nazariy malakaviy mashg'ulotlarda ishtirok etish bilan bir qatorda, kelgusida ishga joylashish uchun zarur bo'lgan kasbiy ko'nikmalarga bevosita bog'liq bo'lgan ishga joylashish rejalashtirilgan bo'lsa:

Agar siz kasbiy ta'limga ega mutaxassis bo'lsangiz:

  • Ish beruvchingiz tomonidan to'ldirilgan va imzolangan shakl: Mehnat munosabatlari haqida ariza va ish faoliyatini amalga oshirish uchun qo'shimcha A arizasi
  • Ish beruvchining aniqlangan kamchiliklarni ikki yil muddatda bartaraf etilishi uchun imkoniyat yaratishi borasidagi majburiyati.
  • Ish beruvchining aniqlangan kamchiliklarni bartaraf etish yo'lida ko'rmoqchi bo'lgan amaliy chora-tadbirlardan iborat qo'shimcha o'qitish bo'yicha rejasi - ikki nusxada.

Agar tegishli va mavjud bo'lsa: Federal Bandlik Agentligining ish boshlash uchun oldindan roziligi

Ayrim hollarda qo'shimcha hujjatlar talab qilinishi mumkin.

Ijobiy qaror qabul qilinganidan so'ng, viza olishdan avval tibbiy sug'urta rasmiylashtirilganini tasdiqlovchi hujjatni taqdim etishingiz lozim.

To'liq hujjatlar to'plamini topshirish zarurligiga e'tibor bering. To'liq bo'lmagan hujjatlar to'plamini topshirish arizalarni ko'rib chiqish jarayonini sekinlashtiradi va arizani rad etishga olib kelishi mumkin.

Nemis tilini bilish darajasini tasdiqlovchi hujjat

Mamlakatga safar qilishdan avval Germaniyada bloklangan hisob raqamini ochish


Sahifa boshiga qaytish