Elchixonaning viza bo’limi xozircha juda cheklangan tartibda ishlamoqda.

COVID-19ning keng tarqalishining oldini olish maqsadida 18.03.2020 dan amaldagi kirish chekloviga muvofiq, ish qidirish maqsadida viza arizalari hali qabul qilinmaydi va ko’rib chiqilmay. Til kursi uchun milliy vizaga arizalar rejadagi til kursi davomiyligi kamida 6 oy bo’lsa va pandemik xolatga qaramay kursda (faqat onlayn emas, balki shaxsan) qatnashish zarurligi til kursi tashkilotchisi tomonidan tasdiqlansagina qabul qilinadi va ko’rib chiqiladi.

Milliy viza aniq maqsad bilan uzoq muddaqtli qolish uchun kirish vizasidir. U odatda 90 kunga, ba`zi hollarda bir yil muddatgacha beriladi.Germaniya hududiga kirgandan so’ng qoidaga muvofiq qolish uchun mahalliy ruxsatnomaga ariza beriladi.

Germaniyada yashovchi, qo’shimcha himoya xuquqiga ega shaxslar oila a`zolari uchun eslatma.

Arizangizni quyidagi tartibda tayyorlang:

Ariza blankini to‘ldirish

Viza ariza blankini to’ldiring, ikkita nusxada nashrdan chiqaring va ariza hamda ilovaning tegishli joylariga imzo qo’ying. Ariza blankini bu yerda elektron tarzda nemis va ingliz tillarida to’ldirishingiz mumkin. Bu yerda Videx ariza blanki uchun to’ldirish yo’riqnomasini rus tilida topishingiz mumkin. Bu yerda yana PDF formatda (to‘siqlarsiz)

Nemis-o'zbek-rus tilidagi ariza blanki

Nemis-ingliz tilidagi blanki

Arizani asoslovchi hujjatlar

Arizaga ilova qilinuvchi hujjatlarni to’plang. Ularning to’liqliligiga e`tibor bering. To’liq bo’lmagan hujjatlar arizangizga rad javobi berilishiga olib kelishi mumkin. Iltimos, kerakli hujjatlarni arizangiz bilan birga taqdim eting. Ariza berishdan avval hujjatlarni elchixonaga yubormang.

Elchixona qo’shimcha hujjatlar talab qilish xuquqini saqlab qoladi. Hujjatlar to’liq bo’lmasa arizangiz ko’rib chiqilmasligiga e`tibor bering.

Vizaga ariza berish uchun aviachipta broni shart emas, shuning uchun faqat viza olgandan keyin aviachiptani bron qiling.

Ariza berish uchun Sizga quyidagi hujjatlar zarur:

Eslatma: Iltimos, arizaga taaluqli hujjatlaringizning DIN A4 formatdagi nusxalarini ko’rsatilgan ketma-ketlikda, sahifalarini biriktirmagan xolda 2ta to’liq to’plamga ajrating. Har ikki to’plamda asl hujjatlarning nusxasi ko’rsatilgan ketma ketlikda bo’lishi kerak. Uchinchi to’plam berilgan ketma ketlikda asl hujjatlardan iborat bo’lishi lozim. Asl hujjatlarni ular viza bo’limi tomonidan tekshirilgandan so’ng qaytib olasiz.

Xorijiy tildagi hujjatlar nemis tiliga qilingan tasdiqlangan tarjimasi bilan taqdim etilishi lozim. Sertifikat va diplomlarning asli talab etiladi.

• 2 nusxada, nemis tilida to’liq to’ldirilgan va imzolangan milliy viza uchun ariza blanki
• Germaniya Federativ Respublikasi hududida istiqomat qilish shartlari haqidagi qonunning §54, 2-so’z boshi, 8-punkti hamda §53 ga muvofiq arizachi tomonidan 2 nusxada imzolangan izoh
• 3 dona yangi (olinganiga 6 oydan oshmagan) biometrik fotosurat (3,5x4,5sm). 2ta suratni ariza blankining tegishli joyiga yelimlang va uchinchisini qo’shimcha tarzda o’zingiz bilan olib keling.
• Yana kamida bir yil amal qilish muddatiga ega xorijga chiqish pasportingiz va uning shaxsiy ma`lumotlar sahifasidan 2ta nusxa

Voyaga yetmagan arizachilar quyidagi hujjatlarni (hujjat asli hamda ikki nusxasi) notarius tomonidan tasdiqlangan nemis tiliga tarjimasi bilan taqdim etishlari kerak:

• Germaniya davlatida bo'lish to'g'risidagi qonunning (AufenthG) 54-moddasiga muvofiq ariza shakli va ko'rsatmalar barcha vasiylar tomonidan imzolanishi kerak
• Tegishli maqsad bilan Germaniyaga uzoq muddatga ko'chirish va yashash uchun barcha vasiylarning roziligi to'g'risidagi notarial ariza (murojaat paytida muddati 3 oydan oshmagan bo'lgan)
• tug'ilganlik haqida guvohnoma

agar arizachining tug'ilganlik haqidagi guvohnomasiga ota haqidagi ma‘ lumotlar onaning og'zaki guvohligiga asoslanib kiritilgan bo'lsa, FHDYOning tegishli ma‘lumotnomasi

agar ota-onadan biri vafot etgan bo'lsa yoki vasiylik huquqiga ega bo'lmasa: ota-onalardan birining o'limi to'g'risidagi guvohnoma yoki vasiylik to'g'risidagi sud qarori

• barcha vasiylarning pasportlari yoki shaxsiy guvohnomalari
• agar voyaga yetmagan shaxs hamrohsiz mamlakatni tark etsa: vasiy(lar)ning federal hududda bolaga kim g’amxo’rlik qilishi haqida notarial arizasi

O‘zbekiston fuqaroligiga ega bo‘lmagan, lekin O‘zbekistonda doimiy yashovchilar qo'shimcha tarzda:

• O'zbekistonda yashash uchun ruxsatnoma/propiska (hujjat asli hamda ikki nusxasi) ni taqdim etishlari kerak.

Bu yerda safar maqsadingizga muvofiq qo’shimcha talab etiladigan hujjatlar haqida ma`lumotga ega bo‘lasiz:

Ta`lim

O'qish

Til kursi

Ishlash

Kasbiy ta`lim va malaka oshirish

Amaliyot

Ish joyini qidirish

Mustaqil ishlash

Xorijda egallangan kasbiy malakani tan olinishi

Mutaxassis sifatida (Yevropa Ittifoqining Moviy kartasi ham) ishlash

Au-Pair

Ko’ngillilar dasturida ishtirok etish (FSJ, BFD, FÖJ)

Oilani birlashtirish

Turmush o’rtog’i bilan oilani birlashtirish

Nikoh tuzish

Bola(lar) bilan oilani birlashtirish

Mushkul vaziyat

Qayta kirish

Qabulga yozilish

Arizangizni topshirish uchun oldindan yozilishingiz kerak.

Germaniyaning Toshkentdagi elchixonasi Visametric xizmat ko'rsatuvchisi bilan birgalikda Germaniya universiteti / texnik kolleji yoki o’qishga kirishga tayyorlov kollejidan qabul qilinganligi to'g'risida xabarnoma bilan talabalik vizalariga arizalarni qabul qiladi. Visametric sizga arizangizni topshirishda yordam beradi va hujjatlarni elchixonaga yuboradi. U yerda sizning arizangiz tekshiriladi va qaror qabul qilinadi. Visametric jarayon natijasiga ta'sir qilmaydi va sizning arizangiz bo'yicha qaror qabul qilmaydi.

Visametric odatda hujjatlarni tezroq topshirishga yordam beradi hamda kutish vaqtini qisqartiradi. Xizmat haqi 29,54 yevro. (so'mda to'lanadi).

Visametric qabuliga yozilish bepul. Oldindan yozilish tizimi barcha mijozlar uchun ochiqdir. Xususan, sayyohlik agentliklari va boshqa vositachilik agentliklari tizimga alohida kirish imkoniga ega emaslar. Elchixona Visametric dan boshqa xizmat ko'rsatuvchi bilan ishlamaydi.

Bu yerda siz to'g'ridan-to'g'ri xizmat ko'rsatuvchi veb-sahifasiga o’tishingiz mumkin.

Boshqa barcha toifadagi arizalarda siz elchixona veb -sahifasi orqali faqat milliy vizaga ariza berish uchun yozilishingiz mumkin.

Diqqat: jiddiy bo’lmagan viza agentliklari!

Elchixona faqat tashqi xizmat ko'rsatuvchi Visametric bilan ishlaydi. Elchixona boshqa hech qanday xizmat ko’rsatuvchilar, vositachilar yoki boshqa agentliklar bilan hamkorlik qilmaydi. Tashqaridan turib xizmat ko’rsatuvchilar ayniqsa elchixonaning qabul tizimiga alohida kirish vakolatiga ega emas va ular arizani ko’rib chiqish jarayoniga ta`sir o’tkaza olmaydi. Arizangizni ko’rib chiqish uchun uni topshirayotganingizda elchixona tomonidan konsullik badali olinadi. Agar ariza Visametric orqali topshirilsa, 29,54 evro xizmat to'lovi qo'shiladi. Qabul vaqtini belgilash, ariza blanki va eslatmalarni berish bepul.

Mutaxassislar arizasini tezlashtirilgan shaklda ko’rib chiqish haqida ma`lumot

Agar Siz ish beruvchini topgan bo’lsangiz, Germaniyadagi bo’lajak turar joyingizga mas`ul bo’lgan xorijiy fuqarolar ishlari bo’yicha idoraga Siz uchun mutaxassislar arizasini tezlashtirilgan shaklda ko’rib chiqish jarayonini yo’lga qo’yishga vakolat berishingiz mumkin. Bu jarayon uchun to’lanadigan badal miqdori 411 yevroni tashkil etadi. Bundan tashqari viza jarayoni hamda, zarur bo’lsa, xorijdagi malakaviy kasbiy ta`lim haqidagi hujjatni tan olish uchun qo’shimcha xarajatlar bor.

Xorijiy fuqarolar ishlari bo’yicha idora va Federal mehnat agentligi tomonidan ko’rib chiqilishi lozim bo’lgan barcha talablar bajarilsa, xorijiy fuqarolar ishlari bo’yicha idora oldindan o’z ruxsatnomasini beradi. Ushbu ruxsatnomaning aslini ish beruvchingiz Sizga yurobishi lozim. Uni olishingiz bilan vizaga ariza berish uchun qabul vaqtini belgilashingiz mumkin.

Buning uchun "Oila birlashuvi, nikoh, o‘qish, til kurslari, malakali ishchi sifatida ishga joylashish, o‘qish” toifasida elchixonaga kirish uchun qabul vaqti va sanasini tanlang (bu yerda) va bu haqda elektron pochta orqali elchixonaga xabar bering. Shundan so’ng elchixona Sizga juda qisqa vaqt ichida qabul vaqti ajratadi.

Arizani ko’rib chiqish davomiyligi

Elchixona arizangizni ko’rib chiqadi va u bo’yicha qaror qabul qiladi. Bunda arizangiz xuquqiy talablarga javob berishi tekshiriladi. Shuningdek elchixona zarur xollarda Germaniya ichki idoralarning ushbu jarayondagi ishtirokini ta`minlaydi. Arizani tekshirish safar maqsadiga bog’liq xolda uch oygacha va ba`zi xollarda undan ham uzoqroq vaqtni talab qilishi mumkin.

Arizangiz bo’yicha qaror qabul qilinishi bilan elchixona Siz bilan aloqaga chiqadi. Qo’shimcha hujjatlar talab qilinganda yoki  arizangiz bo’yicha savollar tug’ilsa ham elchixona Siz bilan bog’lanadi. Ba`zi xollarda elchixonaga shaxsan takroriy kelish zarurati ham bo’lishi mumkin.

Arizani ko’rib chiqish davrida uning xolat ihaqidagi Siz tomondan yo’llangan murojaatlarga javob berilmasligiga tushunish bilan munosabatda bo’lishingizni iltimos qilamiz.

To‘lovlar

Milliy viza uchun to’lovlar miqdori quyidagicha:

Voyaga yetgan arizachilar uchun: 75 €

Voyaga yetmagan arizachilar uchun: 37,50 €

Barcha to’lovlar arizachining shaxsiy ishtirokida o’zbek milliy valyutasi so’mda amaldagi kurs bo’yicha amalga oshiriladi. Kupyuralar 2001 yildan keyin chiqarilgan hamda yaxshi holatda bo’lishi lozim.

Viza badali rad javobi berilgan xollarda qaytarilmaydi.

Germaniya fuqarosi bo’lgan turmush o’rtog’i yoki voyaga yetmagan farzandi bilan, shuningdek  voyaga yetmagan bolaning Germaniya fuqarosi bo’lgan otasi yoki onasi bilan oilani birlashtirish maqsadidagi arizani qabul qilishda viza badali olinmaydi. Bunday xollarda qarindoshlik rishtalari va fuqarolik dalillar bilan isbotlanishi lozim.

Viza va pasport berilishi

Agar qaror ijobiy bo'lsa, viza berishdan oldin Germaniyaga kirgan vaqtingizda mavjud tibbiy sug'urta qoplamasini tasdiqlovchi hujjatni taqdim etishingiz kerak. Sug'urta qoplamasining amal qilish muddati odatda vizaning butun amal qilish muddatini qamrab olishi kerak. Agar siz Germaniyada qonuniy tibbiy sug'urtaga ega bo'lsangiz, masalan mehnat shartnomasi asosida ish boshlayotgan bo'lsangiz yoki oilangiz bilan birlashsangiz va Germaniyada oilaviy sug'urtaga kiritilgan bo'lsangiz, buni tasdiqlovchi hujjat taqdim etishingiz kerak. Agar

qonuniy tibbiy sug'urta qilishingiz shart bo'lsa, bu faqat Germaniyada yashashingiz uchun amal qiladi. Toki qonuniy tibbiy sug'urta tizimiga qabul qilinguningizga qadar shaxsiy sayohat tibbiy sug'urta polisi (butun Shengen hududida va Germaniyada dastlabki 90 kun uchun amal qilishi hamda minimal sug'urta qoplama miqdori 30 000 yevroni tashkil qilishi, shu jumladan COVID-19 kasalligi uchun sug'urtani o'z ichiga olgan bo'lishi kerak) Germaniyaga kirish uchun zarur. Germaniyada qonuniy tibbiy sug'urta kuchga kirishi bilan, sayohat tibbiy sug'urtasini bekor qilishingiz mumkin. Shuning uchun, sayohat tibbiy sug'urtasini olayotganda bekor qilish imkoniyati muddatlariga e'tibor bering. Qonuniy tibbiy sug'urtaga kiritilishni isbotlash imkoniyati bo‘lmagan barcha holatlarda, kirish vizasining amal qilish muddatini to'liq qoplagan shaxsiy tibbiy sug'urta taqdim etilishi kerak. Bu holatda, sayohat tibbiy sug'urtasi yetarli EMAS.

Agar pasportingizni Sizga elchixona tomonidan xabar berilgandan uch oydan ko’proq vaqt o’tib taqdim etsangiz, qoidaga muvofiq ariza qayta tekshiruvdan o’tadi. Bunday xollarda viza berilishi kechikishi mumkin.

Odatda pasportingizni ariza topshirganingizda Sizga berilgan kvitantsiyani ko’rsatgan xolda shaxsan olib ketasiz. Agar buning iloji bo’lmasa, kimgadir pasportingizni olib ketishga ishonch bildirishingiz mumkin. Buning uchun ishonch bildirilgan shaxs kvitantsiya va Siz tomondan imzolangan ishonchnoma bilan kelishi lozim. Ishonchnoma notarius tomonidan tasdiqlangan bo’lishi shart emas. Ishonchnoma namunasini bu yerdan topishingiz mumkin.

Germaniya Federativ Respublikasining Toshkentdagi elchixonasi Sizga maroqli safar tilaydi.

Viza arizangizning rad etilishi - apellyatsiya

Viza arizasiga rad javobi berilganda arizachiga uning sabablari ma`lum qilinadi. Viza bo’limining rad javobi haqidagi qarorda uning har bir sababiga izoh beriladi.

Apellyatsiya jarayoni uchun sayyohlik byurosi yoki boshqa tijoriy xizmat ko’rsatuvchilarning maslahati talab etilmaydi!

Agar rad javobi sabablarini qo’shimcha hujjatlar taqdim etish va yozma bayonotlar bilan bartaraf etmoqchi bo’lsangiz, rad javobiga qarshi apellyatsiya jarayonini yo’lga qo’yishingiz va arizangizni qayta tekshirishni so’rashingiz mumkin.

E`tibor bering, apellyatsiya jarayoni 3 oygacha, ba`zi xollarda undan ham uzoqroq davom etishi mumkin. Shuning uchun apellyatsiya o’rniga yangi ariza berish maqsadga muvofiq.

Apellyatsiyaga berish muddati so’ralganda rad javobi olingan kundan 1 oyni tashkil etadi. Apellyatsiya va apellyatsiya doirasida talab etilgan hujjatlar nemis tilida pochta orqali yuborilishi yoki elchixonada shaxsan taqdim etilishi mumkin. Arizachi tomonidan imzolanmagan yoki arizachining ishonchnomasisiz kelib tushgan apellyatsiya xatlari ko’rib chiqilmaydi. Quyidagi talablardan kelib chiqib, apellyatsiya xatining skan kopiyasi bilan elektron pochta orqali ham apellyatsiyaga berish mumkin.

Apellyatsiya xatining mazmuni quyidagilardan iborat bo’lishi lozim:

• Arizachiling shaxsiy ma`lumotlari: familiya, ism, tug’ilgan sana, pasport raqami, to’liq pochta manzili
• Rad javobi berilgan sana va elchixonaning ish raqami
• Rad javobi nima uchun o’rinsiz ekanini asoslash, shuningdek Germaniyaga safar qay maqsadda amalga oshirilishi lozimligi hamda Germaniyada bo’lish arizachi uchun nima sababdan muhimligini izohlash
• Mavjud bo’lsa, asosli hamda ariza topshirishda taqdim etilmagan qo’shimcha hujjatlar
• Shaxsiy imzo
• Agar apellyatsiya ishonchnoma asosida bo’lsa: vakil shaxsga ishonchnoma

Apellyatsiya xati talab etilgan muddat va shaklda elchixonaga yetib kelishi bilan viza arizasi yana keng qamrovda ko’rib chiqiladi. Bunda apellyatsiya jarayoni doirasida talab etilgan qo’shimcha hujjatlar va keltirilgan izohlar inobatga olinadi. Istalgan vizani berish imkoniyati bo’lsa, arizachi elchixonaga taklif etiladi. Aks xolda arizachi rad javobi sabablari kengroq izohlangan yozma javob oladi.