Tashqi ishlar sahifasiga xush kelibsiz

YEI ga zarur bo'lmagan safarlar uchun vaqtinchalik cheklovlar

25.03.2020 - Maqola

COVID-19: Yevropa Ittifoqi hududiga zarur bo'lmagan safarlar uchun vaqtinchalik cheklov  

Yevropa Ittifoqiga a'zo mamlakatning hamda Yevropa Ittifoqi bilan assotsiatsiya shartnomasini tuzgan davlat va hukumat rahbarlari Yevropa komissiyasi tavsiyalariga rioya qilishga qaror qildilar va COVID-19 kasalligi bilan kurashish va koronavirusning yanada tarqalishini oldini olish maqsadida uchinchi davlatlardan Yevropa ittifoqi hududiga bo'lgan barcha turdagi zarur bo'lmagan safarlar uchun dastlabki bosqichda 30 kunlik cheklovni joriy qildilar.

Germaniya ichki ishlar vaziri Zeyexofer chegaralar borasidagi Shengen kodeksining 14,6 moddasiga binoan darhol kuchga kirgan tegishli farmoyishni e´lon qildi. 

Harakatlanish borasidagi cheklovlar quyidagi shaxslarga taalluqli emas:

1.      vataniga yoki doimiy yashash manziliga qaytayotgan Yevropa Ittifoqiga a'zo mamlakat hamda Shengen shartnomasi doirasida Yevropa Ittifoqi bilan assotsiatsiya shartnomasini tuzgan davlatlar fuqarolari va ularning oila a'zolari hamda Buyuk Britaniya, Lixtenshteyn, Islandiya, Norvegiya va Shveytsariya fuqarolari va ularning oila a'zolari

2.      doimiy yashash manziliga qaytayotgan uchinchi davlat furqarolari, agar ular Yevropa Ittifoqiga a'zo biron bir mamlakatda yoki yuqorida qayd etilgan mamlakatlarning birida uzoq muddatli yashash uchun ruxsatga ega bo'lsa (yashash uchun berilgan ruxsatnoma, uzoq muddatli o'qish yoki mehnat faoliyatini olib borish uchun viza)

  1. „Muhim vazifalarni“ (essential functions or needs) bajaruvchi uchunchi davlat fuqarolari. Qarorga muvofiq ushbu guruhga quyidagi shaxslar kiradi:
  • tibbiyot xodimlari va tibbiyot sohasida ilmiy-tadqiqot ishlarini olib boruvchi hamda kasallarga qarovchi shaxslar
  • chegaralararo migrantlar, yuk tashish sohasidagi va boshqa zarur sohalardagi transport kompaniyalari hodimlari,
  • diplomatlar, xalqaro tashkilotlar hodimlari, harbiylar, hayriya tashkiloti xodimlari, agar safar xizmat vazifalarini bajarish maqsadida amalga oshirilayotgan bo'lsa    
  • transit yo'lovchilar
  • muhim oilaviy sabablar tufayli kirib kelayotgan yo'lovchilar
  • xalqaro himoyaga muhtoj yoki boshqa gumanitar sabablar tufayli kirib kelayotgan shaxslar.

 

Sahifa boshiga qaytish