21-23 oktabr kunlari elchi Manfred Huterer Surxondaryo viloyatiga tashrif buyurdi. Elchi tashrif davomida viloyat hokimi Ulug’bek Qosimov bilan uchrashdi, "Termiz" erkin iqtisodiy zonasini va xalqaro savdo markazini, Afg'oniston uchun gumanitar yordam qabul qilinadigan logistika markazini, shuningdek, yosh afg'onlar uchun tashkil etilgan o'quv markazini ham ko’zdan kechirdi. Viloyat hokimi bilan suhbat davomida viloyatning iqtisodiy salohiyati va GIZ hamda KfW faoliyati muhokama qilindi.