Qabulga yozilish

Arizangizni topshirish uchun qabulga oldindan yozilishingiz  kerak.

Germaniyaning Toshkentdagi elchixonasi Germaniyada kasbiy ta'lim (o'rta-maxsus) olish uchun milliy vizaga arizalarni qabul qilish masalasida Visametric xizmat ko'rsatuvchisi bilan hamkorlik qiladi. Visametric Sizga arizangizni topshirishda yordam beradi va hujjatlarni elchixonaga yuboradi. Elchixonada Sizning arizangiz tekshiriladi va qaror qabul qilinadi. Visametric jarayon natijasiga ta'sir ko'rsata olmaydi va Sizning arizangiz bo'yicha qaror qabul qilmaydi.

Visametric odatda hujjatlarni tezroq topshirishga yordam beradi hamda kutish vaqtini qisqartiradi. Xizmat haqi 29,54 yevro. (viza bo'limining amaldagi ayribolshlash kursi bo'yicha so'mda to'lanadi).

Visametric qabuliga yozilish bepul. Oldindan qabulga yozilish tizimi barcha mijozlar uchun ochiqdir. Xususan, sayyohlik agentliklari va boshqa vositachilik agentliklari tizimga alohida kirish imkoniga ega emaslar. Elchixona Visametric dan boshqa xizmat ko'rsatuvchi bilan ishlamaydi.

Ariza topshirish uchun quyidagi hujjatlar talab qilinadi:

• Imzolangan, to'lanadigan maosh va ish vaqti haqidagi ma´lumotlar ko´rsatilgan aniq kasbiy ta'lim shartnomasi 
• Mehnat munosabatlari to'g'risidagi bayonnoma yoki kerak bo'lganda Federal Bandlik agentligining oldindan roziligi ASL NUSXADA
• Ish beruvchi tomonidan imzolangan aniq kasbiy ta´lim rejasi
• Kasb maktabiga qabul qilinganlik haqida tasdiqlovchi hujjat
• Nemis tili bo’yicha B1 bilim darajasini tasdiqlovchi hujjat
• Agar nemis tili Germaniyaga borgandan keyin o´rganilsa: ta´lim boshlanishdan oldin ta`limga tayyorlov yoki professional faoliyat bilan bog'liq bo`lgan til kursi mavjudligi haqida tasdiqnoma
• O‘zbekistondagi akademik natijalarini tasdiqlovchi hujjatlar, shahodatnoma, diplomlar baholari ko´rsatilgan ilovalari bilan
• Agar tegishli bo´lsa: kasb bo'yicha tegishli ish tajribasi va malaka oshirilganligi haqida tasdiqnoma, hozirgi ish beruvchidan ma´lumotnoma
• Akademik ta´lim va ish faoliyatingizni aks ettiruvchi jadval shaklidagi tarjimai xol nemis tilidagi tasdiqlangan tarjimasi bilan
• Arizachi tomonidan yozilgan va shaxsan imzolangan, rejalashtirilgan kasbiy ta`lim haqida ma´lumotni aks ettiruvchi motivatsiya xati va uning nemis tilidagi tasdiqlangan tarjimasi

Moliyalashtirish: agar kasb-hunarga o'qitish davrida mehnatga to'lanadigan haq ta'lim shartnomasiga muvofiq oyiga 927 yevrodan kam bo´lsa, mablag’dagi farq birinchi ta´lim yili uchun muqobil moliyalashtirish shaklida tasdiqlanishi lozim.

Moliyalashtirish quyidagicha tasdiqlanishi mumkin:

• Germaniya hududida bo‘lish to‘g‘risidagi qonunning (Aufenthaltsgesetz) 66-68 moddalari asosida ta’limni moliyalashtirish uchun berilgan, kafil shaxsning moliyaviy xolati yetarli deb ko’rsatilgan hamda berilgan sanasi olti oydan oshmagan kafolat xati (Verpflichtungserklärung)

yoki

• oyiga faqat yetmagan miqdordagi mablag’ni olish mumkin bo’lgan, Germaniya banklaridan birida ochilgan bloklangan xisob raqamida farq qiluvchi mablag' mavjudligi haqida tasdiqnoma

yoki

• kasbiy ta´lim shartnomasiga bog’liq bo’lmagan, haftasiga 10 soatgacha ishlash huquqini beruvchi mehnat shartnomasi

Hujjatlar bilan birga tibbiy sug'urta rasmiylashtirilganligini tasdiqlovchi hujjatni taqdim etishingiz lozim.

Ba'zi holatlarda qo´shimcha hujjatlar talab qilinishi mumkin.

​​​​​​​Hujjatlar to`liq taqdim qilinishiga e´tibor bering. To’liq bo’lmagan hujjatlar viza arizasini ko´rib chiqish jarayonini sekinlashtiradi va rad javobiga olib kelishi mumkin.

Nemis tili bo'yicha bilim darajasini tasdiqlash

Germaniyaga kirishdan avval bloklangan hisob raqamini ochish