Germaniya elchixonasi xizmat ko'rsatish bo'yicha faqat Visametric viza markazi bilan hamkorlik qiladi. 

Mehnat resurslari tanqisligi sababli viza arizasi holatiga oid soʻrovlarga javob berilmaydi. Sizning viza arizangiz boʻyicha qaror qabul qilinganidan soʻng yoki qoʻshimcha hujjatlar yoki maʼlumotlar talab qilinishi bilan, viza boʻlimi yoki Visametric Sizga bu haqida xabar beradi.   

Hujjatlarni topshirish uchun Visametric viza markazi qabuliga yozilish odatda onlayn tarzda amalga oshiriladi:  https://www.visametric.com/Uzbekistan/Germany/de/p/terminvereinbarung  

Visametric viza markazi arizalarni koʻrib chiqish, qaror qabul qilish va viza etiketkalarini chop etish jarayoniga jalb etilmaydi va VIS viza axborot tizimiga kirish huquqiga ega emas.

Uchinchi xizmat koʻrsatuvchilarning xizmatlaridan foydalanmaslikni qat'iy tavsiya qilamiz. Xususan, uchinchi xizmat koʻrsatuvchilar qabulga yozilish tizimiga kirish uchun maxsus huquqga ega emaslar va arizalarni koʻrib chiqish jarayoniga hech qanday ta'sir koʻrsata olmaydilar. Visametric viza markazi ham jiddiy boʻlmagan agentliklar bilan hamkorlik qilmaydi.

Visametric qabulga yozilish vaqtlarini muntazam ravishda yangilab boradi. Hujjatlarni topshirish uchun qabul vaqtlari har doim elchixonaning Visametric viza markaziga nisbatan talablariga muvofiq amalga oshiriladi.

Elchixona ushbu qabul vaqtlari hozirda sayyohlik agentliklari tomonidan juda tez band qilinayotganidan xabardor.

Uchinchi xizmat koʻrsatuvchilar, masalan, sayyohlik agentliklarining viza arizalarini topshirish bilan bog´liq takliflari tashqi xizmat koʻrsatuvchi Visametric viza markazining taklifi bilan umuman bog'liq emasligiga elchixona e'tiboringizni alohida qaratadi.

Bundan tashqari, tashqi xizmat koʻrsatuvchi tomonidan qabulga yozish tizimidan foydalanishda suistemollikka yoʻl qoʻymaslik va sun’iy ravishda qabul vaqtlari tanqisligini yuzaga keltirish holatlariga chek qo‘yish bo‘yicha qo‘shimcha chora-tadbirlar ko‘rilmoqda.