Tashqi ishlar sahifasiga xush kelibsiz

Au-pair vizasi

Maqola

Muhim ma’lumot

Elchixona 2022-yil 21-noyabrdan boshlab Visametric tomonidan arizalar qabul qilinishiga erishdi  (Visametric). Hujjat topshirishga yozilish uchun uzoq kutish vaqtlari o'tmishda qoldi. Iltimos, hujjatlarni to’liq tayyorlagan holda ariza topshirish uchun Visametric bilan bevosita bog'laning (qabulga yozilish).


Au-Pair faoliyati doirasida siz Germaniyadagi mezbon oilada yashash va mehnat qilish bilan birga nemis tili bilimingizni takomillashtirishingiz va shu bilan birga Germaniya bilan yaqindan tanishishingiz mumkin.

Ushbu dastur asosida istiqomat qilish muddati kamida 6 oy, ko‘pi bilan 12 oydir. Au-Pair sifatida ishlash muddatini cho’zdirish va uni takrorlash mumkin emas.

Nemis tili bilimi (2-punktga e´tibor bering): Arizachining nemis tilidan bilim darajasi chet tili bo‘yicha bilim darajasini baholash umumevropa  tizimining A1 (Gyote institutining START DEUTSCH 1 darajasiga teng) darajasi viza berilishi uchun majburiy talab hisoblanadi. Bu, ariza topshirayotgan paytingizda tinglash orqali yahshi tushunish va nemis tilida oddiy muloqot yurita olishingiz lozimligini anglatadi.

Ariza topshiruvchi 18 yoshdan kichik va 27 yoshdan katta bo‘lmasligi lozim.

Ariza topshirish va vositachilik: Siz Au-Pair vositachi agentligidan foydalanishingiz yoki biror mezbon oilada joy topishga o’zingiz harakat qilishingiz mumkin. Taklif qilayotgan oilada nemis tili ona tili bo‘lishi shart. Agar nemis tili oila doirasida muntazam ishlatiladigan til bo’lsa, Siz va mezbon oiladagi ota-ona kelib chiqishingiz bir mamlakatdan bo´lmagan taqdirdagina Sizga viza berilishi mumkin. Qarindoshlarga (Au-Pair va mezbon oila o`rtasida) viza berilmaydi.

Ikki tomon huquq va majburiyatlari to´grisida Siz va mezbon oila o´rtasida yozma ravishda shartnoma tuzilishi kerak. Shartnomada ko´rsatilgan majburijatlardan boshqa vazifalarni ixtiyoringizga qarshi zimmangizga olishga majbur emassiz. Agar Siz va oila o´rtasida bu borada ixtilof holatlari yuzaga kelsa, Germaniyaning tegishli  idoralariga ikkilanmasdan yordam so´rab murojat qiling.

Ariza topshirish uchun quyidagi hujjatlar talab qilinadi:

  • Taklif qilayotgan oila va siz tomondan imzolangan Au-Pair shartnomasi
  • Mezbon ota-onalar tomonidan to'ldirilgan mezbon oila uchun so'rovnoma

  • Qabul qiluvchi ota-onaning taklifnomasi

  • Mezbon ota-onaning ro'yxatga olinganini tasdiqlovchi guvohnoma. Ushbu guvohnomada parvarish qilinadigan bolalar ham ko’rsatilgan bo‘lishi kerak.

  • Qabul qiluvchi oila ota-onasining passport nusxalari

  • Nemis tili bo’yicha A1 boshlang’ich bilim darajasi haqida tasdiqnoma (batafsil)
  • Akademik natijalarni tasdiqlovchi hujjatlar, shahodatmona, diplomlar baholar ilovasi bilan
  • Agar tegishli bo´lsa: kasb bo'yicha tegishli ish tajribasi va malaka oshirilganligi haqida tasdiqnoma, hozirgi ish beruvchidan ma´lumotnoma
  • Akademik ta´lim va ish faoliytingizni aks ettiruvchi, jadval shaklidagi tarjimai xol nemis tilidagi tasdiqlangan tarjimasi bilan
  • O´zingiz yozgan va shaxsiy imzolagan, rejalashtirgan Au-Pair-faoliyati sabablari va kjelajakdagi kasbiy rejalaringizni batafsil aks ettiruvchi motivatsiya hati va uning nemis tilidagi tasdiqlangan tarjimasi
  • Sudlanmaganlik haqida ma‘lumotnoma

  • Evropa Ittifoqi standartiga muvofiq tibbiy sug'urta (Germaniyada yashash uchun va butun Shengen hududida amal qiluvchi, qamrovi 30 000 yevrodan kam bo'lmagan, safarning birinchi kunidan boshlab oxirgi kunigacha amal qilishi kerak)


Arizaga qo'shimcha ravishda siz Federal mehnat idorasidan Au-Pair faoliyati bo'yicha ma'lumotni olganingiz va tushunganingizni yozma ravishda tasdiqlashingiz kerak (Au-Pair faoliyati).

 Iltimos, ma’lumotlar bilan tanishib chiqqaningiz haqidagi bayonnomani (shu yerda) chop eting, imzolang va arizangizga ilova qiling.

 Ba'zi holatlarda qo'shimcha hujjatlar talab qilinishi mumkin.


Hujjatlar to`liq taqdim qilinishiga e´tibor bering. Hujjatlarning to’liq bo’lmasligi viza arizasini ko´rib chiqish jarayonining cho´zilishiga va rad javobiga sabab bo´lishi mumkin.



Sahifa boshiga qaytish