Germaniyaning Toshkentdagi elchixonasi Toshkent shahridagi tibbiyot muassasalariga 30 dona kompyuter monitorlarini taqdim etdi. Monitorlar Olmazor, Shayxontohur va Yashnobod tuman tibbiyot birlashmalariga topshirildi. 

"Monitorlarni taqdim etish orqali xodimlarning ish sharoitlarini yaxshilash va aholiga yuqori sifatli tibbiy xizmatlarni ko‘rsatishga hissa qo‘shishdan umidvormiz" – dedi elchi Manfred Xuterer. 

Yangi binoga koʻchib oʻtish doirasida elchixona yangi monitorlar bilan jihozlandi va barqaror foydalanish hamda resurslarni tejash maqsadida endilikda ushbu ishlab turgan jihozlardan foydalanishni davom ettirish mumkin.

Bundan tashqari Germaniya uzoq vaqtdan beri O‘zbekistonda sog‘liqni saqlash sohasining rivojiga salmoqli hissa qo‘shib kelmoqda. Rivojlanish yo‘lidagi hamkorlikni amalga oshiruvchi nemis tashkilotlari, xususan, Germaniya Xalqaro hamkorlik jamiyati (GIZ) va „KfW” banki 20 yildan ortiq vaqt davomida tibbiyot xodimlarini yuqori darajada tayyorlab kelmoqda va butun mamlakat bo‘ylab klinikalarni modernizatsiya qilmoqda. Qolaversa, mamlakatning sog‘liqni saqlash strategiyasi bo‘yicha Sog‘liqni saqlash vazirligiga maslahatlar berish boshlangan.