Tashqi ishlar sahifasiga xush kelibsiz

Germaniya va O'zbekiston o'rtasidagi rivojlanish maqsadidagi hamkorlik

Kräne vor Abendhimmel

Kranlar, © picture-alliance/ Arcaid

Maqola

2019 yilning may oyida bo'lib o'tgan hukumatlararo muzokaralarda Germaniya 2019 va 2020 yillarga O'zbekistonga moliyaviy va texnikaviy hamkorlik uchun jami 123,8 million evro miqdorida  mablag' ajratishga roziligini qayd etdi.  

Germaniyaning majburiyati aholining yashash sharoitlarini to'g'ridan-to'g'ri va sezilarli darajada yaxshilashga va boshlangan islohotlarjarayonini qo'llab-quvvatlashga yo'naltirilgan, shuning bilan birga asosiy urg'u sogliqni saqlash va barqaror iqtisodiy rivojlanishga beriladi.

Sog'liqni saqlash sohasida asosiy e'tibor qishloq aholisi shart-sharoitlarini yaxshilashga, shu jumladan viloyat kasalxonalarini modernizatsiya qilishga qaratilgan. Galdagi muhim sohalar bu reproduktiv salomatlik, ona va bola salomatligi, sil kasalligiga qarshi kurash va shifokorlar va tibbiy texnik xodimlarning malakasini oshirish.

Ikkinchi yo'nalish „Barqaror iqtisodiy rivojlanish“ sohasidagi hamkorlik aholi uchun ish o'rinlari va daromad olish imkoniyatlarini yaratishga qaratilgan.

Bundan tashqari O'zbekiston Germaniyaning rivojlanish maqsadidagi hamkorligi doirasida qator chegaralararo mintaqaviy loyihalarda, jumladan, huquqiy davlatchilik, sifat infratuzilmasini isloh etish, savdo, tabiiy resurslardan barqaror foydalanish, kasbiy tayyorgarlik va giyohvandlikning oldini olish sohalarida ishtirok etmoqda. Ushbu mintaqaviy dasturlar tajriba almashish va Markaziy Osiyo mamlakatlari o'rtasidagi hamkorlikni mustahkamlashga qaratilgan.

Sahifa boshiga qaytish